Video
Read full review
2020-06-03
2467 views
好少過去大圍果邊，唔知有咩餐廳好食，同朋友誤打誤撞就入咗去呢間餐廳食晚飯，就係因為門口嘅餐牌有威靈頓牛扒，入到去一坐低諗都冇諗就叫咗呢個2人套餐。想講我哋真係好好彩，唔伏之餘仲要道道菜都咁高質！頭盤先嚟個Parma Ham配哈蜜瓜🐷，鹹香嘅巴馬火腿配以水果嘅鮮甜多汁，頭盤已經帶嚟驚喜！第二頭盤係香煎鵝肝配香脆麵包🦆，大大份又厚身嘅鵝肝煎得非常香口富油脂感，側邊仲有燒蘋果同蘋果蓉可以一齊食，帶嚟唔同嘅味覺衝擊，又一傑作！緊接嘅係是日餐湯——意大利菜湯🥣，有唔少蔬菜切粒喺裡面，味道清爽，剛好解咗剛才鵝肝嘅油膩感。配上芝士牛油蒜蓉包🥖，睇吓包上面果層蒜味牛油，既邪惡又誘惑⋯平時唔食餐包嘅朋友都食晒成個。仲未讚歎完啲頭盤之際，主菜就送到啦，我哋揀咗香煎帶子意大利飯🥘。Risotto生硬有嚼頭嘅米粒感做得非常好，而且忌廉汁非常均勻咁包好每一粒飯，帶子亦煎到剛剛熟唔透嘅質感，處理火喉真係好好。終於到咗萬眾期待嘅威靈頓牛扒🐮，採用澳洲和牛再用五小時慢煮嘅烹調方式，令和牛肉質非常軟腍，生熟程度恰到好處，加埋酥脆嘅牛油脆皮同埋蘑菇蓉，做法十分正宗，而且份量居然係十分之大方，我同朋友都食得好飽、好滿足！二
想講我哋真係好好彩，唔伏之餘仲要道道菜都咁高質！頭盤先嚟個Parma Ham配哈蜜瓜🐷，鹹香嘅巴馬火腿配以水果嘅鮮甜多汁，頭盤已經帶嚟驚喜！
意大利巴馬火腿蜜瓜
127 views
0 likes
0 comments
第二頭盤係香煎鵝肝配香脆麵包🦆，大大份又厚身嘅鵝肝煎得非常香口富油脂感，側邊仲有燒蘋果同蘋果蓉可以一齊食，帶嚟唔同嘅味覺衝擊，又一傑作！
香煎鵝肝
46 views
0 likes
0 comments
緊接嘅係是日餐湯——意大利菜湯🥣，有唔少蔬菜切粒喺裡面，味道清爽，剛好解咗剛才鵝肝嘅油膩感。配上芝士牛油蒜蓉包🥖，睇吓包上面果層蒜味牛油，既邪惡又誘惑⋯平時唔食餐包嘅朋友都食晒成個。
餐湯配麵包
46 views
0 likes
0 comments
蒜蓉多士
30 views
0 likes
0 comments
仲未讚歎完啲頭盤之際，主菜就送到啦，我哋揀咗香煎帶子意大利飯🥘。Risotto生硬有嚼頭嘅米粒感做得非常好，而且忌廉汁非常均勻咁包好每一粒飯，帶子亦煎到剛剛熟唔透嘅質感，處理火喉真係好好。
香煎北海道帶子意大利飯
37 views
0 likes
0 comments
終於到咗萬眾期待嘅威靈頓牛扒🐮，採用澳洲和牛再用五小時慢煮嘅烹調方式，令和牛肉質非常軟腍，生熟程度恰到好處，加埋酥脆嘅牛油脆皮同埋蘑菇蓉，做法十分正宗，而且份量居然係十分之大方，我同朋友都食得好飽、好滿足！
5小時慢煮澳洲和牛威靈頓
48 views
0 likes
0 comments
5小時慢煮澳洲和牛威靈頓
53 views
0 likes
0 comments
二人套餐嚟講$798加一，每人四百零蚊食到咁高質嘅西餐，仲要有做得好食嘅威靈頓牛，真係好少有。有機會一定要再嚟試埋佢四人套餐嘅巨型斧頭扒！
米糠布甸
24 views
1 likes
0 comments
Post
