Video
Read full review
2022-07-26
3286 views
今日黎到位於銅鑼灣既哩間海鮮蒸鍋餐廳。餐廳環境相當寬敞，有大量四人座位，蒸氣鍋上蓋上越南竹帽，非常特別。餐廳老闆係海鮮入口商，已經做左十幾年，餐廳食材來貨都係野生海鮮，每日新鮮到港，海鮮既質素真係特別高。一坐底，店員會利用蒸鍋幫手消毒餐具。餐牌上有唔同價錢既套餐可以選擇，而我就叫左個尊貴海鮮套餐。 ✨尊貴海鮮套餐 $449 / 位粥底及醬油費 $15 /位🔸店員會先放上粥底，入面放有粟米、豬骨及芋頭，再係上面放蒸板同海鮮，透過蒸海鮮既過程，海鮮既精華會流入底層既粥底，咁樣係食完食材之後，就可以食到充滿鮮味既粥～🔸罕有藻食綠膏蟹綠膏蟹面頭佈滿蟹膏，蟹肉份量亦唔少，蟹肉同蟹膏同樣鮮甜。🔸太平洋饅頭蟹饅頭蟹蒸完之後顏色好靚，好可愛！饅頭蟹會較少肉，主要係食佢既蟹膏，蟹膏味道相當鮮甜。🔸澳洲青年龍蝦龍蝦新鮮、爽口、彈牙！肉質結實，重點係啲蟹膏勁鮮甜，絕對係好食推介👍🏻🔸台灣九孔鮑魚鮑魚新鮮彈牙。🔸北海道赤蝦（換上其他時令海鮮，同餐牌不同）赤蝦新鮮，入口質感爽彈，最正就係佢既蝦膏，非常好食👍🏻🔸紐西蘭刀背蚌刀背蚌開殼之後形狀好似蝴蝶咁，入口非常鮮甜，帶有淡淡海水味，超鍾意超推介哩個👍🏻🔸紐西蘭月
餐廳老闆係海鮮入口商，已經做左十幾年，餐廳食材來貨都係野生海鮮，每日新鮮到港，海鮮既質素真係特別高。
一坐底，店員會利用蒸鍋幫手消毒餐具。餐牌上有唔同價錢既套餐可以選擇，而我就叫左個尊貴海鮮套餐。
✨尊貴海鮮套餐 $449 / 位
粥底及醬油費 $15 /位
🔸店員會先放上粥底，入面放有粟米、豬骨及芋頭，再係上面放蒸板同海鮮，透過蒸海鮮既過程，海鮮既精華會流入底層既粥底，咁樣係食完食材之後，就可以食到充滿鮮味既粥～
🔸罕有藻食綠膏蟹
綠膏蟹面頭佈滿蟹膏，蟹肉份量亦唔少，蟹肉同蟹膏同樣鮮甜。
🔸太平洋饅頭蟹
饅頭蟹蒸完之後顏色好靚，好可愛！饅頭蟹會較少肉，主要係食佢既蟹膏，蟹膏味道相當鮮甜。
🔸澳洲青年龍蝦
龍蝦新鮮、爽口、彈牙！肉質結實，重點係啲蟹膏勁鮮甜，絕對係好食推介👍🏻
🔸台灣九孔鮑魚
鮑魚新鮮彈牙。
🔸北海道赤蝦（換上其他時令海鮮，同餐牌不同）
赤蝦新鮮，入口質感爽彈，最正就係佢既蝦膏，非常好食👍🏻
🔸紐西蘭刀背蚌
刀背蚌開殼之後形狀好似蝴蝶咁，入口非常鮮甜，帶有淡淡海水味，超鍾意超推介哩個👍🏻
🔸紐西蘭月亮貝
月亮貝同樣新鮮，海水味較濃。
🔸日本大元貝
大元貝完全無沙，亦係新鮮爽彈，蒸出黎既水充滿鮮味～
🔸韓國釜山珍珠蠔
珍珠蠔鮮甜肥美，記得一定要連埋蒸出黎既水一齊食，海水味亦較重。
🔸有機蔬菜籃
提供香甜既粟米、生菜及娃娃菜，同樣以蒸煮方式烹調。
🔸粥
粥煮得夠綿，完全吸收左海鮮既鮮味，另附上香蔥及菜脯，可以因應自己口味加落粥入面。
最後仲有送上甜品，真係非常滿足💕
整體黎講，餐廳全部海鮮都非常高質，樣樣都好好食，充滿鮮味，鍾意食海鮮既真係超推介，絕對值得一試。
Post
