點心廊 (Closed)

係旺角搵高質點心真係唔容易~今日係朋友嘅推薦下發現了間不錯的yeah ~~想一次試齊餐廳的招牌點心可以叫創作六式拼盤，拼盤包括有金箔墨汁蟹粉鮮蝦餃，海膽鳳眼餃，原隻鮑魚雞粒酥，黃金啤梨鹹水角，黑白芝麻流心煎堆仔同一口燕窩蛋撻每款各兩件。海膽鳳眼餃，海膽很鮮甜，入口即溶，加埋底下的鮮蝦一流。黃金啤梨鹹水角也很好，不單外形立體精緻，而且外層炸得脆卜卜，十分香口。蝦餃也很講究，用了墨汁就皮，而且蟹粉又多蝦又大隻，層次豐富。鮑魚雞粒酥，鮑魚炆得好淋，食落唔會煙韌，配埋雞粒酥正。一口燕窩蛋撻，喺蛋撻上面佈滿左好多燕窩，係膠原蛋白啊，女生必食！煎堆仔，一咬開入邊嘅芝麻流晒出嚟，一啲都膩，仲好好食。值得一讚既就是在熱氣的鹹水角和煎堆仔底下，都一塊生苦瓜比你清下熱氣。翡翠日本帶子腸粉，腸粉皮一啲都唔厚，而且好滑，差唔多每舊腸粉都佈滿晒帶子，帶子又大粒又甜，值得一試。