Video
Read full review
2024-01-24
53 views
🍲 本延鍋物 (銅鑼灣) 📍今次嚟到銅鑼灣呢間shabu shabu🥘，平日夜晚去已經有人喺出邊排緊隊，想食嘅話建議book定位。一入到去，就聞到好香嘅壽喜燒味👃🏻，入邊嘅裝修係行日式清新風格，啱晒文青打卡📸。我哋分別叫咗兩個set每個set除咗可以揀主食同湯底之外，仲會有前菜、野菜拼盤🥗同日本白米飯🍚，仲可以加錢轉烏冬🍜。前菜方面，係沙律上面配塊魷魚刺身🦑；而去個野菜拼盤亦都好豐富，除咗有三種唔同嘅菇🍄同兩款唔同嘅菜之外🥬，仲有芋絲、蟹柳、油揚同大蔥。🍽️ 極上A4黑毛和牛 —— 關東風壽喜燒 $458一上到嚟就見到啲油脂分佈得勁平均⚖️，一食落口就充滿咗鮮嫩嘅口感😍，咀嚼起嚟柔軟又多汁💦，配埋壽喜燒個湯底，再點埋蛋漿🥚，配埋一啖珍珠米，簡直係天堂級嘅享受👼🏻。🍽️ A5黑毛和牛肉眼 —— 日式昆布上湯$608啱啱A4和牛已經覺得好好食😋 ，點知呢個仲誇張🌟，牛嘅肉質更加細嫩同柔軟，好似慢慢會喺嘴入邊溶化咁👄。不過相對比A4嘅和牛，油脂會比較多🐄，所以亦都比較容易膩，建議兩個人食嘅話一人嗌一個A4同A5 share嚟食，咁就啱啱好啦😙。而呢一個日式分布上湯🍲，味道比較清淡，適合清淡人士或
今次嚟到銅鑼灣呢間shabu shabu🥘，平日夜晚去已經有人喺出邊排緊隊，想食嘅話建議book定位。
一入到去，就聞到好香嘅壽喜燒味👃🏻，入邊嘅裝修係行日式清新風格，啱晒文青打卡📸。
我哋分別叫咗兩個set每個set除咗可以揀主食同湯底之外，仲會有前菜、野菜拼盤🥗同日本白米飯🍚，仲可以加錢轉烏冬🍜。
前菜方面，係沙律上面配塊魷魚刺身🦑；而去個野菜拼盤亦都好豐富，除咗有三種唔同嘅菇🍄同兩款唔同嘅菜之外🥬，仲有芋絲、蟹柳、油揚同大蔥。
🍽️ 極上A4黑毛和牛 —— 關東風壽喜燒 $458
一上到嚟就見到啲油脂分佈得勁平均⚖️，一食落口就充滿咗鮮嫩嘅口感😍，咀嚼起嚟柔軟又多汁💦，配埋壽喜燒個湯底，再點埋蛋漿🥚，配埋一啖珍珠米，簡直係天堂級嘅享受👼🏻。
🍽️ A5黑毛和牛肉眼 —— 日式昆布上湯$608
啱啱A4和牛已經覺得好好食😋 ，點知呢個仲誇張🌟，牛嘅肉質更加細嫩同柔軟，好似慢慢會喺嘴入邊溶化咁👄。不過相對比A4嘅和牛，油脂會比較多🐄，所以亦都比較容易膩，建議兩個人食嘅話一人嗌一個A4同A5 share嚟食，咁就啱啱好啦😙。
而呢一個日式分布上湯🍲，味道比較清淡，適合清淡人士或者想食食材原汁原味嘅人😉。
📍本延鍋物
銅鑼灣謝斐道379-389號特麗樓地下6-7號舖
Post
