Video
Read full review
2021-05-16
1166 views
好耐之前食過丼丼屋(6年前）嗰陣覺得麻麻哋好食 所以一直冇再幫襯今日見咁多人排隊 決定再俾多次機會佢 又見佢換咗餐牌餐牌選擇繁多 仲有套餐添要貴可以去到 ～$200 否則一般<$100最後決定單點個帆立貝三文魚籽丼($115)原先可以叫套餐 但係佢set死咗要配炸魷魚鬚 仲要$158 所以寜願散叫同埋父母叫餐 可以食佢哋嗰啲🙈好吸引😍個碗好似唔大 但係因為佢推起咗啲飯 然後佈滿咗啲超大粒嘅帆立貝 所以其實超大超足料！面頭有三文魚籽 薑 wasabi 可惜我唔食薑同wasabi...仲可以自己落豉油 我都落好多 因為原先飯冇味佢啲帆立貝好正！雖然係張每粒片開一半 但係都有8粒左右 每粒都勁大勁厚肉 食落完全唔凍 肉質鮮嫩 味道仲好鮮甜🤤加咗豉油鹹中帶甜 豉油都比較稀 所以唔會好鹹 同時夠味佢係多到可以每啖飯都有帆立貝一齊食 當然講緊折散咗嘅帆立貝😆之後面頭嘅三文魚籽都好出色 唔好睇佢細細粒 佢入口即爆 爆出三文魚油味 好似食爆珠咁😂充滿omega 3餸飯配帆立貝一流🍚佢啲飯都係意外地好食 佢唔係用珍珠米 質感非常黏身 仲帶有少少壽司米味 其實真係似壽司下面個飯 只係佢再軟身啲 而
今日見咁多人排隊 決定再俾多次機會佢 又見佢換咗餐牌
餐牌選擇繁多 仲有套餐添
要貴可以去到 ～$200 否則一般<$100
最後決定單點個帆立貝三文魚籽丼($115)
原先可以叫套餐 但係佢set死咗要配炸魷魚鬚 仲要$158 所以寜願散叫
同埋父母叫餐 可以食佢哋嗰啲🙈
帆立貝三文魚籽丼
$115
186 views
0 likes
0 comments
好吸引😍個碗好似唔大 但係因為佢推起咗啲飯 然後佈滿咗啲超大粒嘅帆立貝 所以其實超大超足料！
面頭有三文魚籽 薑 wasabi
可惜我唔食薑同wasabi...
仲可以自己落豉油 我都落好多 因為原先飯冇味
佢啲帆立貝好正！雖然係張每粒片開一半 但係都有8粒左右 每粒都勁大勁厚肉 食落完全唔凍 肉質鮮嫩 味道仲好鮮甜🤤加咗豉油鹹中帶甜 豉油都比較稀 所以唔會好鹹 同時夠味
佢係多到可以每啖飯都有帆立貝一齊食 當然講緊折散咗嘅帆立貝😆
之後面頭嘅三文魚籽都好出色 唔好睇佢細細粒 佢入口即爆 爆出三文魚油味 好似食爆珠咁😂充滿omega 3
餸飯配帆立貝一流
🍚佢啲飯都係意外地好食 佢唔係用珍珠米 質感非常黏身 仲帶有少少壽司米味 其實真係似壽司下面個飯 只係佢再軟身啲 而且食落暖暖哋💕落埋豉油perfect
飯嘅份量真係幾多吓 包食飽
另外試咗爸爸嘅配菜同甜品🥔配菜係紫薯薯仔蓉 佢有微微紫薯味 少少甜 不過唔算好香 薯仔粒就真係普通烚薯仔咁 係幾特別不過唔可以話好食 會寧願佢夾蘋果粒
至於甜品係一個果凍嘅嘢 底有黑糖糖水 味道麻麻 一來唔夠凍 二來唔夠味 三來啫喱口感唔好
-
丼飯果然係好味嘅 有水凖👍🏻起碼食到日本風味 似去旅行
份量好足 材料新鮮 餸夠多
只係套餐可能仲唔抵 因為啲嘢唔係咁好食
服務ok 有禮貌嘅
衞生都唔錯 有提供口罩袋同濕紙巾
環境都可以
價錢合理 $115一個魚生飯可能貴咗少少 不過真係好食 明顯同外賣店嘅質素有分別 所以都值嘅
所以證明啲餐廳係絕對可以改善同進步嘅 咁樣我覺得自己會再去☺️
Post
