Pici

Open Now

Now Closed

星期六晚黎尖沙咀，間間都勁多人，無book枱基本上都要等位，竟然bookmark左勁耐嘅pici完全唔洗等。🥰同朋友兩個女仔，唔算太肚餓，但又想試下手工意粉有咩特別。order左兩款意粉，pici signature 蕃茄意粉$90，一個最多人嗌的truffle tagliolini $180。如果想試多啲嘅可以嗌set，每位$290，一個starter，三款意粉，一款甜品。蕃茄個款就比較硬身，有嚼口，感覺好似未煮熟嘅烏冬。Truffle就基本上每枱都order，一片片黑松露加用橄欖油煮嘅幼身意粉，比較有咬口。Tiramisu就偏大份同甜，兩個人share夠晒。如果生日可以免費有張即影即有，同生日咭，仲有$100coupon下次用。個一個Happy birthday蛋糕牌都幾靚，氣氛唔錯，仲有成班waitress一齊唱生日歌。不過大部份人都係三個人以上，可以坐四人枱。兩個人嘅話就好似我哋咁俾assign坐high table，個位感覺上係走廊僭建出嚟，要求左好多次都轉唔成功😭雖然環境幾靚但呢方面就扣晒分。