越一越南牛肉粉專門店 (Closed)

今日嚟到粉嶺中心試呢一間越南小店- 越一越南牛肉粉專門店門面都幾乾淨企理，燈光又夠光猛，個裝修都幾靚好適合影相🥰 佢仲播緊啲越南歌添😆店員推介我哋試佢自家製嘅薏米水，另外我哋叫咗大蝦菠蘿炒飯，炒馬拉盞椰菜苗，燒牛肉米紙卷，同埋椰汁三色冰先講下個薏米水有啲凍同熱揀，入邊有薑同埋有好多好多嘅薏米，飲落去幾清新，好健康👍🏻 個椰汁三色冰我覺得唔錯，好濃嘅椰子汁，入邊有啲椰子肉，唔會太甜💓跟住嚟嘅係炒馬拉盞椰菜苗，個椰菜苗唔會好生又唔會好硬，不過鍾意清淡嘅朋友可能唔啱呢味菜，因為味道都幾濃跟住嚟嘅係燒牛肉米紙卷，入邊包住花生、菜、青瓜絲、紅蘿蔔絲、九層塔、牛肉，大家食之前記得點一點魚露，如果唔係就無乜味😊最後嚟嘅係大蝦菠蘿炒飯，佢係原個菠蘿上個賣相唔錯，兩隻大蝦係面，炒飯裏面有啲櫻花蝦仔，大蝦都新鮮唔係雪藏貨😉