Video
Read full review
2021-07-29
386 views
今日天氣都幾翳焗🥵 ，中午喺尖沙咀做完正經嘢，就即刻匿咗入海港城涼吓冷氣～lunch hour好多餐廳都逼爆人，於是我繼續行，繼續搵下有邊間餐廳唔使排咁耐，結果行到嚟呢間稍為遠離熱鬧地帶嘅芽莊，見唔使等位就入咗去了～.其實都唔係第一次幫襯芽莊，印象中呢度嘅越菜係幾有特色，食物擺盤幾精緻，同埋味道都唔錯～首先同大家預覽吓我今餐喺芽莊食咗啲咩先～雖然今日得一個人自己撐檯腳，但我就眼闊肚窄，好多嘢都想嗌嚟試下，結果唔小心叫咗成檯嘢食～🤣🤣.天氣咁悶熱就叫咗碗湯河，貪佢濕濕哋，易入口易消化吖嘛！🤩 我今次嗌嘅係河內牛湯河三拼 (PHO COMBO)，可以從四款配料入面揀三樣，我揀咗生牛肉、牛𦟌同埋牛丸（無揀到黑毛牛裙邊）～我食PHO最鍾意就係佢會有好多越式香料配菜，例如九層塔、生豆芽、生辣椒、青檸呢啲，咁樣食嘅每一啖粉個味道都會好豐富好有層次！😝😝.食PHO第一件事緊係要飲啖湯先！啖湯牛味非常濃郁、仲帶少少酸酸哋～😋 雖然碗PHO好多料，但啲湯都係好鮮甜好清，好味道！上菜時，生牛肉仲係粉紅色，輕輕浸一浸落湯度稍為轉一轉色就已經啱啱好食得，生牛肉口感好腍，十分鮮嫩～牛𦟌就大大塊，成碗都有好幾塊，
.
其實都唔係第一次幫襯芽莊，印象中呢度嘅越菜係幾有特色，食物擺盤幾精緻，同埋味道都唔錯～首先同大家預覽吓我今餐喺芽莊食咗啲咩先～雖然今日得一個人自己撐檯腳，但我就眼闊肚窄，好多嘢都想嗌嚟試下，結果唔小心叫咗成檯嘢食～🤣🤣
.
天氣咁悶熱就叫咗碗湯河，貪佢濕濕哋，易入口易消化吖嘛！🤩 我今次嗌嘅係河內牛湯河三拼 (PHO COMBO)，可以從四款配料入面揀三樣，我揀咗生牛肉、牛𦟌同埋牛丸（無揀到黑毛牛裙邊）～我食PHO最鍾意就係佢會有好多越式香料配菜，例如九層塔、生豆芽、生辣椒、青檸呢啲，咁樣食嘅每一啖粉個味道都會好豐富好有層次！😝😝
.
食PHO第一件事緊係要飲啖湯先！啖湯牛味非常濃郁、仲帶少少酸酸哋～😋 雖然碗PHO好多料，但啲湯都係好鮮甜好清，好味道！上菜時，生牛肉仲係粉紅色，輕輕浸一浸落湯度稍為轉一轉色就已經啱啱好食得，生牛肉口感好腍，十分鮮嫩～牛𦟌就大大塊，成碗都有好幾塊，一啲都唔吝嗇，牛𦟌好容易就咬得開，好食喎！😆
.
不過講到我最鍾意嘅配料一定係牛丸，牛丸咬落係好扎實，非常彈牙，仲要爆汁，牛味非常非常濃郁！🤤🤤🤤 至於河粉就吸收晒湯底嘅精華，河粉質地又軟又滑，結果我瘋狂吸入，好快就KO咗成碗了！😎
河內牛湯河三拼
16 views
0 likes
0 comments
.
因為知道碗PHO有少少油，所以就想叫碟菜中和吓～😳 睇menu張圖見到芥蘭苗嘅賣相又幾好，於是就嗌咗一碟！芥蘭苗一上檯，我係有少少嚇親，乜我嗌咗芥蘭山咩？！😱 芥蘭份量非常多！😨 芥蘭十分新鮮，你見成碟菜都係非常翠綠，口感仲好爽脆！碟菜一啲都唔dry，醬汁係甜豉油溝少少魚露，配合埋頂頭嗰啲蝦米仔同埋花生碎，每一啖都非常香非常惹味！😋😋
芥蘭苗
11 views
0 likes
0 comments
.
食完菜又覺得自己有返啲quota食肉，🤓 於是就叫咗香茅雞串燒，呢個雞串一份係有三串的～雞串燒到又香又脆，面頭仲有少少焦焦～雞肉肉質好扎實，最正係點埋個秘製沙嗲醬，成嚿雞肉微辣又甜甜哋又有啲香茅味，仲咬到花生粒，真係忍唔住食完一嚿又一嚿！旁邊仲有幾嚿青瓜解吓膩，真係再食多幾嚿雞都唔使驚！😤
香茅雞串燒
23 views
0 likes
0 comments
.
今次嚟芽莊食得好開心，水準唔止係保持到，我感覺仲比以前出色咗，真係難怪佢越開越多分店！今次一個人嗌咗好多嘢食，最後食唔晒打包返屋企，夜晚整返熱嚟食都仲係咁滋味！🤩🤩
Post
