Video
Read full review
2024-06-04
29 views
同朋友約咗入跑馬地食越南菜，原來好方便。係上環有巴士直達，大約半個鐘，落車行1分鐘都唔使已經到啦。睇門面裝修已經覺得幾高雅明亮，鋪頭以白色為主調，牆上掛住越南傳統斗笠，天花掛住好似雀籠咁嘅吊燈，好有特式好靚。入門口店員好有禮貌笑著歡迎我，第一印象真心唔錯。因為我遲到，朋友已經點好嘢食。重點來啦，食物又點呢？越式法包（小辣）法包好脆，老闆好細心特登走來提我哋要趁熱食。裏面料好足，有酸蘿蔔絲／青瓜／扎肉／生菜，仲有其他食材，口感清新爽脆。佢個扎肉好特別，好似有一層豬皮凍，滿滿骨膠原，女士就最愛。河內火車頭湯河粉 (配九層塔青檸) 應該係牛骨湯，好清甜，食完碗河粉連個湯都飲晒。河粉是比較幼細，入口爽滑，火車頭足料到過分，安格斯生牛肉＆熟牛肉／牛白肉／牛筋／牛丸／牛柏葉，好好味，朋友講咗個牛丸好食幾次，牛味濃，爽彈得來又鬆軟（？），應該係唔死實，我試咗1粒，總之就好特別啦，就算唔係牛魔王都唔可以錯過。越式扎肉雞絲湯河粉（配薄荷青檸）雞湯湯底，好清香，一啲都唔油膩，佢個扎肉真係好特別，第一次食到裏面有豬皮嘅扎肉，好有膠質，好軟滑。雞絲處理得非常好，一啲都唔鞋，個湯底又係清晒。越式蒸粉卷粉卷好透薄
睇門面裝修已經覺得幾高雅明亮，鋪頭以白色為主調，牆上掛住越南傳統斗笠，天花掛住好似雀籠咁嘅吊燈，好有特式好靚。
入門口店員好有禮貌笑著歡迎我，第一印象真心唔錯。因為我遲到，朋友已經點好嘢食。重點來啦，食物又點呢？
1 views
0 likes
0 comments
越式法包（小辣）
法包好脆，老闆好細心特登走來提我哋要趁熱食。裏面料好足，有酸蘿蔔絲／青瓜／扎肉／生菜，仲有其他食材，口感清新爽脆。佢個扎肉好特別，好似有一層豬皮凍，滿滿骨膠原，女士就最愛。
越式法包 （小辣）
$78
3 views
0 likes
0 comments
2 views
0 likes
0 comments
河內火車頭湯河粉 (配九層塔青檸)
應該係牛骨湯，好清甜，食完碗河粉連個湯都飲晒。河粉是比較幼細，入口爽滑，火車頭足料到過分，安格斯生牛肉＆熟牛肉／牛白肉／牛筋／牛丸／牛柏葉，好好味，朋友講咗個牛丸好食幾次，牛味濃，爽彈得來又鬆軟（？），應該係唔死實，我試咗1粒，總之就好特別啦，就算唔係牛魔王都唔可以錯過。
火車頭湯河 （配九層塔青檸）
$152
0 views
0 likes
0 comments
越式扎肉雞絲湯河粉（配薄荷青檸）
雞湯湯底，好清香，一啲都唔油膩，佢個扎肉真係好特別，第一次食到裏面有豬皮嘅扎肉，好有膠質，好軟滑。雞絲處理得非常好，一啲都唔鞋，個湯底又係清晒。
扎肉＆雞肉河 （配薄荷青檸）
$96
6 views
0 likes
0 comments
越式蒸粉卷
粉卷好透薄，淨睇賣相我已經食指大動，因為我完全抗拒唔到類似腸粉一類嘅食物。裏面木耳／雲耳（？）絲同埋豬肉碎一目了然，入口爽脆。外皮一啲都唔油膩，加埋個醋汁，令人回味無窮。
蒸粉卷
$75
2 views
0 likes
0 comments
越式蒜蓉牛油雞中翼 （6隻）
雞中翼大大隻，外皮粉漿好薄，但係炸到好酥脆，蒜蓉牛油味飄香撲鼻，上面鋪滿煮過嘅洋蔥，洋蔥唔知佢點煮到咁好食，係仲有脆感嘅時候，已經將甜味煮出嚟。
牛油雞翼 （6隻）
$96
1 views
0 likes
0 comments
越式酸辣無骨鳳爪
鳳爪都好爽脆，仲有好多蔬菜，紅蘿蔔／西芹／生菜，酸甜爽口，好味又健康。不過對比之前幾道菜，就略為普通啲，因為其他越南／泰國菜館都食到嘅味道。
酸辣無骨鳳爪
$86
0 views
0 likes
0 comments
食到尾聲，有個朋友突然話唔記得叫飲品，不過我哋另外3個都覺得已經食到差唔多，就唔叫，因為大家都覺得鋪頭杯清水都好好飲，有陣東南亞獨特香草味，係咪斑蘭味呢？唔肯定就問下老闆啦，老闆話真係用咗用斑蘭葉浸水。
同朋友成晚都食得開心盡興，相談甚歡。走出門口大家都覺得回味，越南人老闆娘（標準廣東話加少少東南亞口音）仲送我哋出門口，問我哋食物點呀？入嚟食嘢會唔會覺得隔涉？我哋話唔同區過來，老闆娘如數家珍話可以點搭車，好貼心又誠意滿滿。
我一定會再來食過。行落斜路就係電車總站。最後大家都話想搭下電車出銅鑼灣，夜晚搭下電車都好有情調。
Post
