第一郡 (Moved) New Location

近日睇左好多youtuber介紹深水埗美食，好多都非常吸引，各式CAFE、兩送飯、燒味飯、車仔麵等等，雲集係深水埗地區。而最吸引我想去試既係第一郡的蟹膏蕃茄湯檬。呢間越南餐廳平日都好多人排隊打卡，所以選擇左openrice外賣自取，輸入特定外賣自取code，仲有優惠添。檬粉同湯底分開裝，保持檬粉的爽口，濃底配料非常豐富，有兩舊豆卜，幾個豬紅，兩片扎肉同埋蟹膏餅，蟹膏餅口感似蜂巢豆腐好索湯。蟹膏湯底味道香濃，海鮮鮮味好出，加埋越南香料，感覺似乎身在越南。將檬粉與湯底混合，超大一碗，好抵食。