第一郡 (Moved) New Location

想食好耐啦，早排去深水埗食晚餐諗起佢就終於可以去一試，好似有一段時間無隨意找一間餐廳食。去到發現餐廳內唔大比較似街坊小店，食物種類唔會太花巧，簡單幾個選擇所以唔會出現選擇困難症啊。想食熱食所以就點咗烤豬肉湯河，嚟到超大一碗，河粉量驚人的多，應該是男生的份量，湯底幾好飲，唔會超濃味但帶有淡淡九層塔嘅香味。有洋蔥，蔥花，九層塔，芽菜嘅配料，雖然無得似船麵咁可以調味一下，但原味都唔錯的。烤豬肉其實就係香茅豬肉條但帶甜味，都幾特別，量都超多，食唔晒呢！朋友點咗扎肉撈檬，配料超多但粉就偏少，汁甜中帶微酸幾開胃，扎肉量也多，肉質幾淋。我仲點咗杯牛油果沙冰，雖然唔算大杯但足料，飲落好滑同稠稠的，好似食緊牛油果似的，甜度適中感覺無乜添加物，會想再飲但價錢有點貴。