越色牛肉粉餐廳 (Closed)

繼續之前既越式狂熱，是日友人推介平食既越色。可能好早同係平日既關系，餐廳較少人，無訂位情況下，即可入坐。 越色雜錦湯金邊粉：湯底好咸，金邊粉有d硬，肉丸唔爽，牛腩好韌 ，惟生牛肉夠牛夠滑… 雜錦小食併盤：有五款小食，雞肉沙律、炸蝦餅、絲網春卷、軟殼蟹卷及粉卷。雞肉沙律味道似日式芝麻醬味，但記住係"似"…有點嘔心。炸蝦餅係五款小食最好既，外脆，內爽。絲網春卷，外脆，但內涵又係一般唔夠香口… 軟殼蟹卷，只有軟殼蟹係可取，卷內有酸子薑，我受不了… 粉卷內涵同絲網春卷一樣，粉卷一直不是我欣賞的，不便評論… 鑊仔通菜：咸、油、老。服務：永無自動加水，常常上錯菜… 落單時，女侍應心不在焉，問我地揀金邊粉定其它粉時，我地講話選金邊粉後，女侍應再問女侍應：「飲咩？」我地：「唔要野飲…」女侍應：「唔係！我問你地個湯粉要咩粉？」我倆膜不若頭腦：「下？揀左要金邊粉喎…」女侍應黑面離開！總括而言：價錢未去到好平好平，但食物普通，又超多味精，服務麻麻，只係坐得舒適同唔趕你走。