第一郡 (Moved) New Location

深水埗係出名多嘢食嘅地區，見到這間小店有好多人推介。這家老闆娘係越南人，難怪吸引咁多人排隊。今次點了烤豬肉撈檬和班蘭綠豆糕。烤豬肉撈檬：烤豬肉份量好多，又有好多配料，有芽菜、香菜、生菜、青瓜和花生碎，最欣賞係酸蘿蔔絲，令到烤豬肉冇咁膩，撈汁已經放咗喺個碗內，撈埋一齊食，酸酸甜甜好開胃。而家食越南嘢當然唔少得食檬粉。斑蘭綠豆糕：一打開就聞到淡淡嘅斑蘭香，綠豆蓉好綿好滑，兩層班蘭糕夾住一層綠豆蓉，口感非常煙靭，唔算太甜，係餐後必食嘅甜品。整體來說：食物質素好，值錢都算合理。