Fûhn (The L. Square) (Closed)

提早兩天已經訂好位，點解選擇呢一間餐廳，因為可以喺OpenRice容易book位，那天我們book咗7:00，入座之後，我哋即刻點嘢食！我哋揀咗牛肉河粉、軟殼蟹米紙卷同埋鹹蛋薯條，飲品方面，就叫咗一杯熱嘅洛神花茶同埋碟豆花梳打！薯條一嚟到，我即刻試一條，畢竟都係舖頭嘅推介之一，但咬咗一啖，好失望呀！薯條唔夠熱，加上油淋淋，好肥膩，感覺好似擺咗好耐,而且鹹蛋味亦完全欠奉！至於其他食物中規中矩，份量亦不算少！到大概7:30左右，舖頭開始人多，店員要求我們轉換另一張二人枱，那我們的枱便可以騰空給4人坐，我亦一口答應，之後結賬時，店舖給予我們9拆優惠，因為我哋願意幫忙調位，算是一個意外驚喜吧⋯⋯