越棧越式湯粉專門店 (新翠商場) (Closed)

今日下晝同朋友喺柴灣食下午茶，喺地鐵站附近嘅新翠商場搵嘢食，見到地下有間越棧，入邊有幾張空枱冇人坐，就入去試下佢個下午茶。 餐牌上面下午茶餐有兩款，一款係小食類 一款係湯粉類，兩款都係收36蚊。 而我叫咗個香茅豬扒湯河，朋友叫咗個香茅雞翼湯河。 過咗五分鐘左右，兩碗湯河分別送上，豬扒湯河有一大塊豬扒，係切咗片再送上，豬扒大約有一個碗嘅大細，豬扒浸係個湯度。比較軟身少少，味道正常。 另外，香茅雞翼湯河，總共有三隻香茅雞翼，我哋將雞翼分開擺喺個碟度，香茅雞翼煎得幾香味道唔錯。