Video
Read full review
2012-10-30
31 views
前身係清亭，裝修後變成越泰酒吧餐廳，感覺唔錯，多左好多卡位，亦有多部大電視，好有bar feel。星期五晚3人行，差不多八點黎到，full左一半。安排坐卡位，岩哂，可以邊食邊girls talk。泰式生蝦：一order有8隻，有冰墊住d蝦。蝦夠凍同新鮮，夾埋生蒜片，點醬汁食，好刺激。炸春卷：一如以往清亭出品，炸得香脆。好味！泰式鳳爪沙律：鳳爪數量不少，拌入生洋蔥，味道不錯。只係食到尾就覺得好濃味 串燒雞肉沙爹：正正常常牛油雞翼：自從清亭搬左上樓上鋪之後，感覺佢冇咁好食，所以冇點呢個菜好耐。係友人極力要求下再點。結果都係覺得普通，好油、牛油味唔夠同炸粉略厚。馬拉盞炒椰菜苗：食泰國野，我多數會點椰菜苗，貪佢夠爽口。廚師既馬拉盞落得好夠，好夠味。泰式炒粉絲：份量正常，配菜唔馬虎，但可惜唔夠味。邊食邊傾，唔覺唔覺食左個幾鐘。意猶未盡，各自叫左一杯啤酒再傾多個幾鐘。一頓滿意既晚餐！值得一提，呢度應該係同下面果層酒吧合作，(我見到有下層酒吧侍應出lift，手捧一杯啤酒)，所以酒類飲品選擇好多。可能亦因為咁，有部份侍應唔係好熟d牌子，友人叫一杯啤酒，竟然有3個侍應埋黎問係咩酒，到最後要係餐牌指個名先
星期五晚3人行，差不多八點黎到，full左一半。安排坐卡位，岩哂，可以邊食邊girls talk。
泰式生蝦：一order有8隻，有冰墊住d蝦。蝦夠凍同新鮮，夾埋生蒜片，點醬汁食，好刺激。
炸春卷：一如以往清亭出品，炸得香脆。好味！
泰式鳳爪沙律：鳳爪數量不少，拌入生洋蔥，味道不錯。只係食到尾就覺得好濃味
串燒雞肉沙爹：正正常常
牛油雞翼：自從清亭搬左上樓上鋪之後，感覺佢冇咁好食，所以冇點呢個菜好耐。係友人極力要求下再點。結果都係覺得普通，好油、牛油味唔夠同炸粉略厚。
馬拉盞炒椰菜苗：食泰國野，我多數會點椰菜苗，貪佢夠爽口。廚師既馬拉盞落得好夠，好夠味。
泰式炒粉絲：份量正常，配菜唔馬虎，但可惜唔夠味。
邊食邊傾，唔覺唔覺食左個幾鐘。意猶未盡，各自叫左一杯啤酒再傾多個幾鐘。一頓滿意既晚餐！
值得一提，呢度應該係同下面果層酒吧合作，(我見到有下層酒吧侍應出lift，手捧一杯啤酒)，所以酒類飲品選擇好多。可能亦因為咁，有部份侍應唔係好熟d牌子，友人叫一杯啤酒，竟然有3個侍應埋黎問係咩酒，到最後要係餐牌指個名先點到。
Post