Café&Meal MUJI (Closed)

本來我都幾喜歡Muji既Cafe，間唔時夜晚我都會去食個晚餐。講真佢係貴嘅，三餸飯都要＄95，咁計的話其實五餸抵好多，只要＄118，閑閑哋都要成舊水食個飯！但我貪佢夠簡單，食得出少糖少鹽少油冇味精，仲可以轉十六穀飯，感覺幾健康！同實有位坐！直到最近有一次，我叫咗個三餸飯，就係以下呢一碟.....空虛一熱二冷餸飯：有櫻花蝦烤雞，就係碟下面個兩塊乾乾地有啲燶又有啲細舊既。紫薯青蘋果沙律，係左上角紫色個堆，之前食過都覺得好食嘅，份量係一球雪糕咁，可能仲少啲啲。椰菜花蝦肉沙律，係右上角個幾粒野，你冇睇錯，蝦2小隻，椰菜花有4小小小棵。呢碟好空虛既餸就收左你＄95喇！我有同啲員工反映過啲椰菜花係咪真係少咗啲呢，當然佢哋覺得呢個係正常份量不加理會，分別同夾餸個個講左次，再同收銀個個再講，都無人睬我，我又好傻咁俾咗錢，谷住氣咁食咗呢碟成舊水又好空虛嘅三餸飯！其實之前分別食過4餸同5餸飯，份量係唔多但未至於咁sad，呢個就係之前食過既5餸飯加配布甸，總共價值＄148。其實唔差嫁喎。只能說，越食越“精緻”，越食越“谷氣”，越食越“名貴”，越食越冇人情味。