強記飯店 (Closed)

又黎到OT之夜，心癢癢想念家中嘅老火靚湯，於是同同事一齊黎到強飯食燒味飯、飲啖湯水！一人一個套餐，有雙併燒味飯、一碗靚湯、加碟油菜！ 細細碟咁擺滿晒張枱，好豐富！先講個叉燒，肥瘦適中，食落口感比較林，燒得好香；而燒鴨比較瘦削，唔夠多肉咁，但外皮香脆脆，蘸一下燒鴨醬送飯好味道！ 幾鍾意呢度配埋碟菜心仔，終於有點纖維落肚，感覺健康小小。 油雞就好普通。 元蹄就啖啖肉，肥瘦剛好！ 生班魚湯夠足料，味道鮮甜，冇味精！有湯渣，仲可以連魚肉魚骨都食埋！