麵皇自家麵

Open Now

Now Closed

近排又轉工，到了一個小店林立的佐敦，唔慌冇野吃咁，上兩日同朋友出街吃，已經唔知揀乜好，亂行亂揀去左間好似好勁的麵鋪食我地既午餐。標榜自家製麵、供應多款湯料，望落唔錯，天氣凍凍地，揀左個酸辣湯底（中辣）、雞肉粗麵，另收蜂巢豆腐。材料幾豐富，本身已跟芽菜、生菜，酸辣湯跟酸菜正路野；雞絲份量多冇雪味，仲唔老沒起渣，幾有咬口。湯底鹹左點、酸辣味有但可更濃，嗜辣者可嚐大辣試試佢。自家製麵又果然唔同，同街頭粗麵唔同，更挺身彈牙，嚼頭會多點，但唔算好掛湯。好歡喜佢的蜂巢豆腐，吸收湯的味道，惹味非常。總括而言，全餐加埋一份餸，$54，份量合理，環境算乾淨，服務正常，可以一戰！