Video
Read full review
2024-02-27
1073 views
間唔中都會過嚟小西灣廣場飲茶，見今日有啲趕時間，所以決定喺商場內食個快餐。揀咗地下呢間「梁社漢排骨」。據知餐廳來自台灣，喺當地擁有超過 150 家分店，主打正宗台灣便當，有飯餐、湯麵、小食及台式飲品等供應。點咗 2 個套餐👇台灣牛肉麵 ($66) 湯底味道好香醇，飲落順喉清爽，帶辣味又不嗆喉。牛肉選用了牛腱和牛腩，牛腱肥瘦適中、半筋半肉；牛腩軟綿鬆化，腍滑入味。麵條滑溜Q彈，煙韌有嚼勁，食落有麵粉香。至於另一客懷舊炸雞腿飯 ($62) 味道亦一流，雞髀大大隻，新鮮即炸，外皮勁酥脆，一咬有油脂溢出，雞肉嫩滑多汁，入口熱辣辣。配菜分量十足，有粟米、肉碎、酸菜、豆乾絲、紅蘿蔔和椰菜等，有菜有肉，營養均衝又健康。台式香腸 ($25) 香腸燒得啱啱好，外皮帶少少焦香，入口甜甜地，外脆内 juicy，用嚟送飯啱晒。套餐附送原味豆漿或古法冬瓜茶，轉其他正價飲品減 $10。點咗紅豆豆漿 (+$11) 同 珍珠豆漿 (+$10)，豆漿用新鮮大豆現磨而成，豆味好濃郁，紅豆綿密、珍珠彈牙，同豆漿好夾。
間唔中都會過嚟小西灣廣場飲茶，見今日有啲趕時間，所以決定喺商場內食個快餐。揀咗地下呢間「梁社漢排骨」。
據知餐廳來自台灣，喺當地擁有超過 150 家分店，主打正宗台灣便當，有飯餐、湯麵、小食及台式飲品等供應。點咗 2 個套餐👇
台灣牛肉麵 ($66) 湯底味道好香醇，飲落順喉清爽，帶辣味又不嗆喉。牛肉選用了牛腱和牛腩，牛腱肥瘦適中、半筋半肉；牛腩軟綿鬆化，腍滑入味。麵條滑溜Q彈，煙韌有嚼勁，食落有麵粉香。
至於另一客懷舊炸雞腿飯 ($62) 味道亦一流，雞髀大大隻，新鮮即炸，外皮勁酥脆，一咬有油脂溢出，雞肉嫩滑多汁，入口熱辣辣。
配菜分量十足，有粟米、肉碎、酸菜、豆乾絲、紅蘿蔔和椰菜等，有菜有肉，營養均衝又健康。
台式香腸 ($25) 香腸燒得啱啱好，外皮帶少少焦香，入口甜甜地，外脆内 juicy，用嚟送飯啱晒。
套餐附送原味豆漿或古法冬瓜茶，轉其他正價飲品減 $10。點咗紅豆豆漿 (+$11) 同 珍珠豆漿 (+$10)，豆漿用新鮮大豆現磨而成，豆味好濃郁，紅豆綿密、珍珠彈牙，同豆漿好夾。
Post
