蛇王良

Open Now

Now Closed

話說朋友約食蛇羹，我當日由大埔過到來炮台山食。如果唔好食嘅話真係會殺人，還好友人還健在。約19：00，門外己經排隊，好彩友人早到，一早排定，齊人即入。食店不大，座位有少少窄。香港地土地問題，大家要體諒兼忍讓。睇完餐牌，點了個羊肉蛇羹套餐，因為行完山肚餓的關係，再將由細蛇羹升級變大蛇羹。蛇羹很足料，蛇肉一絲絲的，量也多，加上冬菇雲耳等。果皮味不算濃，配合得幾好。枱面上有其他配料可以自行添加，我就喜歡加入薄脆，口感更豐富。羊肉也很腍，非常入味，配白飯一流。吃完這個套餐相當飽，成個身都暖晒。