十三少 (Closed)

元朗開左間酸菜魚，見到裝修好似幾靚，又抵，呢日一於就去試下先..😍～～～🍀環境：鋪都幾大，有好多卡位，裝修新潮簡潔，坐得好舒服～～～💰價錢：$338二人餐，包括前菜、主菜、小菜同白飯，真係好抵！因為出面食一個酸菜魚，都起碼要二百幾蚊🤔～～～👅味道：🌟涼拌土豆絲：酸酸脆脆，好開胃🌟十三少酸菜魚：係香港黎講算係好出色既酸菜魚，酸菜夠酸夠多，魚肉新鮮而且份量大方🌟口水雞：雞肉好入味，又麻又辣好刺激🌟紅糖糍粑：糍粑外皮炸到好脆，入面軟糯，不過本身係冇味既，要靠紅糖醬提味～～～呢個餐好抵，重點係仲要好好食，會encore