鋿晶館

Open Now

Now Closed

唔想成日食連鎖餐廳 , 今日嚟到上環鋿晶館食飯 , 試下呢間自家製品牌 ! 聽聞呢度嘅師傅好有料 , 曾經係日本為高官達人同明星服務 , 係香港又做過大型酒樓主管 ! 今次先黎試下小菜 😉😉 , 下次黎試即叫即做的手作點心先 !龍蝦湯海皇羹味道唔錯 👍👍 好足料 , 口感豐富 , 羹嘅稀杰度好好 , 唔會感覺成口粉老爺子半肥不瘦蜜餞叉燒厚切 , 咁厚肉最驚係嚡口 , 但係一啲都唔嚡 😲😲 仲好腍 ! 高質 !欖角醬燒骨欖角係惹味嘅食材 , 用佢烹調嘅菜式實好味 😆😆 叱個菜式送飯一流 !香芒蝦球蝦球超大隻 ! 肉厚彈牙 😋😋 配埋香芒汁 , 少少甜 , 好清新 , 大人細路都會鍾意食 ! 😍😍豬膶浸莧菜大大碟 , 面頭豬膶又厚又大件 , 而且生熟程度啱啱好 , 冇出血水但仍然粉嫩 😏😏 咬落去口感好好海帶綠豆沙平時食中餐 , 糖水通常都係紅豆沙 😲😲 今次有綠豆沙 ! 唔會太甜 , 而且海帶味好出 👍👍 係一碗好足料嘅綠豆沙整體黎講 , 食店位置方便 , 非常近上環站 , 樓高 3 層 , 地方闊落 , 以酒樓黎講都幾乾淨 , 離開時見到呢個嘅魚缸有好多種類嘅海鮮 , 下次嚟試下先 🐟