粵舫老趙

Open Now

Now Closed

之前同老婆嚟過食早餐，當時對呢間餐廳印象已經唔錯，座位同隔離枱之間距離夠寬，唔會坐到逼。疫情而家緩和左，想出街食晚飯就第一時間諗到呢間，貪呢到有冷氣之餘又通風，坐得安心。$188大龍躉兩味好吸引，金銀蒜鮮竹蒸斑頭腩好大碟，底鋪滿左粉絲同腐竹索哂鮮魚汁味。另一味係xo醬西蘭花炒斑球，龍躉肉起得好乾淨無骨，食落啖啖肉，啱哂唔識吐魚骨既老婆食，xo醬味又較到啱啱好，唔會搶左魚既鮮甜味。見枱枱都叫乳鴿，就叫左隻試下。都好肯定係即叫即炸，上枱熱辣辣，鴿皮好脆，因為係乳鴿bb，肉質好嫩。椒鹽雙拼揀左鮮魷同雞軟骨，炸粉漿薄薄一層包裹炸到好香口，鮮魷好驚喜，食到出係新鮮貨。因為第一次食，唔知道呢間餐廳份量足，仲叫左干炒牛肉炒河，河粉好有鑊氣但又唔會太油，牛肉唔韌。由於眼闊肚窄，最後加左$4拎外賣盒打包左2盒餸拎走聽晚繼續食，又食又拎甘埋單先4百頭CP值好高。