麵鮑‧潮人

Open Now

Now Closed

聯和墟真係越黎越多好野食! 呢間食面既鋪頭見到食晚時間都幾爆場，所以就試試佢。叫左個椰子雞湯面，一定係試左啖湯先! 好甜，好重椰子味，比我既感覺係好足料，冇味精，面質係幼身面，不過都掛到湯。雞件好嫩滑，食完都覺得好養生既感覺。同區真係比較少呢種湯面，值得支持。另外都叫左個拌面，有蟹柳絲，蟹籽，青瓜絲等等，個醬就係麻醬，夏天食都幾開胃。小籠包有驚喜，超多汁，一咬就爆汁! 叫左個涼拌海蜇，好爽好有咬口。野飲既選擇呢到都幾多，有冷泡茶，仲有比較健康既特飲係紅棗龍眼肉桃膠，都係低糖既選擇!