心夜來潮 (Changed Hand) New Restaurant

荃灣區有不少好野食，朋友想食中菜，我就話不如食潮州菜，朋友就推介呢間餐廳，之前一直想試旺角間鋪，估唔到荃灣都開左。朋友必推潮洲粥，粥底有分兩種size,大同細，我地兩條友就叫個細啦，配料分開點，但點滿$180配料可以送粥底，我地點左蠔仔，肉片，豬潤，鮑魚，岩岩好夠錢放粥底。粥好夠味，肉加海鮮加理一齊好正，分量都不少，分到6-7碗，勁飽。潮洲野點可以無鹵水拼盤$128，有5款小食.豬大腸好有咬口，好入味，豬腩肉有三層肉，口感一流。牛舌軟硬適中，好有牛味。杞子紅棗蒸鮑魚$132/6隻，賣相相當唔錯。呢種食法都係第一次，蒸感覺無甘熱氣，紅棗配杞子甜甜地，同理補血夠滋陰，配上鮑魚，食法幾新鮮，鮑魚細細隻但夠爽口。