盛記粥麵

Open Now

Now Closed

粥粉麵，雲吞麵都算係香港最具地道特色嘅一類食物，而今日呢間舖頭我只係咁啱行過，我估唔到咁好食人頭湧湧啊，平日返工時間嚟到都要等10分鐘先有位，證明咗質素係唔錯第一，湯底飲得落口，唔係味精水，有鮮味嘅第二，雲吞麵一啲都冇鹼水味，雲吞亦都唔錯，爽口彈牙佢個雲吞麵唔止冇鹼水味，仲有一陣淡淡的麻油香味粥底煮得好棉，豬潤非常爽口新鮮大牙，真係唔知佢點做到上枱嘅時候，油炸鬼仲係非常香脆，證明即叫即做呢個蜆汁嘅醬料先係精華，好鮮甜嘅蜆味道，另外仲有一陣類似燒酒香嘅味道，非常特別有風味薏米水好足料，入口清新解渴總體來說，食物質素中上，而且價錢合理，能夠識到代表香港嘅真正風味👍🏻