Poking

最近開始咗健身，要喺出邊搵到一間健康又高蛋白嘅餐廳食唔係咁容易。今日無意之中竟然比我掘到寶，搵到一間抵食又健康輕盈poke bowl小店，而且店員好Nice，之後絕對會回頭！Creamy baby $118 呢款絕對係健身人士嘅恩物，有高蛋白質嘅三文魚，豆腐，同埋雞蛋絲等等，而且有健康油脂牛油果，配埋壽司飯同沙律菜，健康增肌最佳之選！Salmon the classic $108啲款就比較輕盈少少，青瓜同埋檸檬為成個配搭帶嚟更加清新嘅感覺。三文魚好新鮮，食落有少少麻油嘅味道，味道出奇地夾。Create your own bowl $98顧名思義可以自選配搭，碗裏面嘅每一樣嘢都可以自由配搭。主食揀咗吞拿魚，配上雜菌，枝豆，同埋西蘭花，大大碗勁好食。最後勁推介呢度嘅特飲，呢杯抹茶用咗零乳糖分離乳清蛋白沖泡，唔單止可以滿足晒我呢啲想補充蛋白質嘅人飲，而且有乳糖不耐症都可以安心地飲抹茶！餐牌仲有好多其他選擇，下次想試魚生以外嘅嘢食，例如雞扒或者慢煮雞胸，見到隔籬枱食得好滋味🥰😋