November (大明里) (Closed)

大埔有一間舖面以Tiffany Blue色調為主的茶飲店，選擇多元化，包括純咖啡、朱古力、果汁及沙冰等系列，部分飲品更有漸層效果，適合打卡。士多啤梨光環 $40呢杯用象形改名法改名，但佢唔單止得個樣靚，仲好有內涵佢包含左November 兩大台柱，士多啤梨鮮茶和消失的熱情果！瑰麗顏色多了一份少女心的浪漫，即叫即手作沖製，啖啖士多啤梨莓果蓉，一入口綻放酸酸甜甜的天然果香，酸爽醒神。除了勁量士多啤梨果肉，還有粒粒晶瑩剔透的椰果，輕盈爽滑，甚有咬口。飲品面仲有各位大人們嘅童年回憶，一整塊大冰菠蘿。十一月Oreo $42厚厚的奶蓋入口綿密順滑，加上撒在表面脆口的Oreo 曲奇餅碎，層次更加豐富，喝完也不會覺得膩，珍珠下得夠足料，質感粉糯QQ富有嚼勁，冰沙打得幼滑，朱古力味夠濃醇，不會被奶味所蓋過。