餃掂手工餃子雲吞專門店

「餃掂」係一間主打手工餃子嘅連鎖餃子店，餃子每日新鮮製造，真材實料👍店內環境光猛乾淨，裝潢簡約，店面唔算大，但坐得逛舒適，店員們都好親切🫶龍鳳松茸雙煎餃 (8隻) $98餐廳王牌推介之一嘅餃子，係黑松露同白松露雙拼餃子🤗每份煎餃即叫即煎，保證上枱熱辣辣，餃子皮煎到金黃色。松露配入餃子餡料，味道好滋味。啖啖都充滿濃郁黑松露香，白松露味道比較清香，整體味道平衡，唔會搶走豬肉嘅鮮味！壽喜燒牛肉湯餃 (7隻) $54呢個我揀左湯餃配狀元九鼎湯，餃子粒粒都好飽滿又大隻，壽喜燒味好突出同好香濃，咬落仲好多肉汁，好驚喜💟而個湯係分開上的🫶狀元九鼎湯 $20我地飲左湯餃個湯，好好味，所以額外追加多一個湯，用上左好多材料熬製而成，主要有粉葛、鯪魚、鯽魚、排骨、赤小豆等，不加味精，味道鮮甜。四川涼皮 $32煙韌涼皮加上香辣惹味醬汁，味道酸酸辣辣，好開胃~回味手拍青瓜 $25青瓜清甜爽脆，與調味料醬汁拌製而成，爽口清涼又開胃。自家制山揸雪梨水 $28可以點熱或者凍，仲有杯裝或樽裝。我選擇左樽裝，飲落酸甜清潤，食左辣野飲番幾啖，可以中和下辣味。