劉森記麵家 (褔榮街)

Open Now

Now Closed

以前經過劉森記, 十次有九次門口排哂龍, 近期兩次去幫襯, 兩次都唔洗排隊之餘, 舖內都有唔少吉位添, 唉..... 無語.....上次幫襯, 蝦子放湯, 蝦子味當然淡哂, 所以今次點蝦子撈面, 叫咗個蝦子牛腩撈, 淨水餃.上次幫襯, 芥蘭灼得唔夠冧, 今次講明芥蘭要灼得冧D.蝦子鋪係麵上嘅份量, 可以用誇張嚟形容, 澳門果間出名蝦子麵店即刻比下去!好怕食麵有鹼水味, 今次捞麵鹼水味唔重, 入口充滿蝦子香, 滿意!另外牛腩夠軟夠冧夠入味, 併埋碟蝦子撈麵, 滿足鳥....今次芥蘭灼得夠冧, 有改善.食完行出麵店, 俾我最強烈嘅感覺係足料! 毫無偷工減料感覺.唔記得問佢地, 有無蝦子出售. 下次問問先, 買完自己整蝦子即食麵...