Video
Read full review
2012-11-26
626 views
一心要參與「食府盛薈2012」活動，所以多次瀏覽該網頁，務求要試到特別套餐為止。幾經篩選，XO決定大戰灣仔區中菜代表「上海佬」，因為睇中其套餐之菜式及網上訂座之半價優惠！「上海佬」離小弟公司較遠，步行大概十五分鐘，一來一回，正式午膳時間只剩半個鐘。好彩有表妹陪試，佢可以提早到，為表哥安排食物立刻上枱，以便節省時間。「上海佬」嗰幢大廈唔係好起眼，大堂同門面燈光較暗，如果唔係門口見倒位哥仔為餐廳派傳單，佢又好人到為小肥帶路，XO仔可能要行多幾轉先搵倒。入到去餐廳座大廈，一片漆黑，只可以講得出大堂有兩位男生負責接待，樣貌身材年齡完全睇唔清。得知我一早訂左「上海佬」，哥仔就叫我行上樓梯轉右入餐廳。上到去已經有另一位哥仔等緊我，帶我埋位。唔知會唔會同人客少有關呢，餐廳比我一個好闊落o既感覺。地方大，樓面高，坐卡位更增添私人空間，我地兩老表都覺得好舒服。雖則昏暗o既環境有啲似浪漫o既西餐廳，不過格調同音樂夠潮，室內裝修，間隔同擺設都帶有中國色彩，好襯托個上海feel。小肥尤其欣賞餐桌上別緻o既燈飾。嗰朝早其實已經有位姐姐仔打左電話比我確認訂座，順道問我地兩位係咪都會選擇特別套餐，所以未去都感覺到自
「上海佬」離小弟公司較遠，步行大概十五分鐘，一來一回，正式午膳時間只剩半個鐘。好彩有表妹陪試，佢可以提早到，為表哥安排食物立刻上枱，以便節省時間。
「上海佬」嗰幢大廈唔係好起眼，大堂同門面燈光較暗，如果唔係門口見倒位哥仔為餐廳派傳單，佢又好人到為小肥帶路，XO仔可能要行多幾轉先搵倒。入到去餐廳座大廈，一片漆黑，只可以講得出大堂有兩位男生負責接待，樣貌身材年齡完全睇唔清。得知我一早訂左「上海佬」，哥仔就叫我行上樓梯轉右入餐廳。上到去已經有另一位哥仔等緊我，帶我埋位。
唔知會唔會同人客少有關呢，餐廳比我一個好闊落o既感覺。地方大，樓面高，坐卡位更增添私人空間，我地兩老表都覺得好舒服。雖則昏暗o既環境有啲似浪漫o既西餐廳，不過格調同音樂夠潮，室內裝修，間隔同擺設都帶有中國色彩，好襯托個上海feel。小肥尤其欣賞餐桌上別緻o既燈飾。
嗰朝早其實已經有位姐姐仔打左電話比我確認訂座，順道問我地兩位係咪都會選擇特別套餐，所以未去都感覺到自己係位貴賓，而且餐廳好有系統。小肥坐上卡位，發覺餐桌上每個客人面前都擺放有兩雙筷子，即其中一對為公筷，更覺餐廳細心且衛生，倍感滿意。（表妹其後話我知，佢覺得服務生態度參差，有哥仔說話客氣，亦有哥仔比較晦氣，所以我順佢意扣左一分服務分。）表妹先到，哥仔解釋比佢知我地個套餐一定要經網上訂座先可享有半價優惠，其他客人叫黎食要比正價HK$398一位。為方便讀者門查閱，小弟在此先放上「上海佬」喺「食府盛薈2012」活動網頁內提供之餐單。 上海佬拼盤：鎮江餚肉，葱油海蜇頭，香干馬蘭頭：葱油海蜇頭香口爽脆，係小肥最喜愛食品之一，亦係三款冷盤中做得最出色o既一味！鎮江餚肉軟硬適中，點左醋黎食好醒胃。好感激師傅先為馬蘭頭包紮過，增添口感，且另食客唔洗食得咁狼狽。
見餐廳做緊個秋冬滋潤飲品優惠，特飲每杯HK$9，天口又咁㷫，所以就叫左杯涷o既雪梨無花果水黎飲。味道好清甜，唔錯！
龍井河蝦仁：蝦仁爽口彈牙，香甜美味，唔會太油膩，最感動係份量比小肥預期多，好得體。
雲石豆腐羹：個湯好夠熱，入口香滑，小肥仲食得出羹入面放有蟹肉絲，整體好清甜。之前喺第二間上海菜館食過外表差不多o既「文思豆腐羹」，所以知道此豆腐羹內千絲萬縷絲o既豆腐絲正係表現出師傅o既刀功；食得出豆腐幼嫩，好明顯師傅並冇揀選較易切o既「硬」豆腐或有層皮o既豆腐！
黑松露牛柳粒鍋巴卷：「上海佬」特製之菜式也。鍋巴香口，且奇脆無比，絕不遜色於薄薄o既薯片。雖然黑松露味道唔夠濃郁，估計係卷內o既青椒所致，不過勝在牛柳粒軟腍又唔乾，配上超脆鍋巴，勁啱XO仔口味！大家一定要黎試！
紅燒獅子頭：獅子頭鬆軟野味，不過小心個心好熱。
影相角度好難掌握，不過以下幅相係想比大家睇下「上海佬」個斜形碟，好有心思地張食物面向食客。
灌湯小籠包：新鮮熱辣原籠上，皮薄餡靚湯份足，上海名點心小籠包做得好出色！
上湯津白：小肥對菜冇乜研究，亦不懂欣賞，只可以引用表妹句“very tasty”。
桂花酒釀丸子：桂花味清香，酒釀丸子彈牙但不黐牙，甜味又唔會過量，食後感覺好清新。
「上海佬」為「食府盛薈2012」活動設計之套餐內o既菜式非常豐富，亦好多元化，如果一個人黎食真係唔需要擔心叫乜野食好，HK$200一位亦算超值。餐廳都算大方，食物份量絕對唔會因有半價優惠而大打折扣，而且食物質素高，師傅廚藝有水準，所有食物分好哂，簡單衛生，真係好難唔滿意！此外，上菜速度快慢適中，客人唔需要等好耐，最重要係XO趕得上兩點前返到公司。Post
