Banh mi pate (Vietnam Genuine)

Open Now

Now Closed

經過整整一個月既閉關，脫苦海時當然要去食餐好既慰勞下自己。閨蜜帶我去左跑馬地昇平街一間隱世既越南菜館食左一餐正宗又美味既晚餐。餐廳面積不大，只有幾張餐枱，但室內環境融合了現代法國與越南鄉村的特色，令人感覺非常舒適。打開餐牌，每一樣都好吸引。可能太耐冇食過越南菜，太多菜式都想試想食。經過一輪既心大心細後，我同閨蜜決定先點餐廳既招牌菜 - 越式法包。餐廳仲非常細心咁幫我地將法包一分為二，方便我地一人一半。法包唔會太硬，入面有肝醬，札肉，燒肉片等等分量十足，再加上酸菜，口感非常豐富，超好味。食完法包，我地再點左香茅雞翼撈檬以及香茅豬扒飯。看似平凡既撈檬配上餐廳自家製魚露汁，雞翼加上香茅既獨特香味，溢齒留香。香茅豬扒用烤焗方法做，沒有煎炸的油膩，豬扒充滿肉汁再加上蔥油，非常非常開胃😋最後飲埋我最愛既青檸梳打，輕輕鬆鬆過左一個吹水夜！