Banh mi pate (Vietnam Genuine)

Open Now

Now Closed

有日同朋友去完養和驗身，係附近搵野食， 行行下就見到間越南餐廳，門面幾靚，就入左去。見佢寫住招牌火車頭湯河，同埋招牌法包， 諗都唔使諗， 即嗌！火車頭湯河個賣相好靚， 香葉同青檸是另上的， 可以按口味加， 而入面配料非常多， 有安格斯牛肉片，牛柏葉，牛丸，牛根，最神加就係有牛白肉。牛白肉小弟就第一次食， 食落滿口牛肉香， 爽爽地， 唔似食緊肥膏，是正的。 湯底亦充滿牛味，河粉亦有小小煙韌， 加分！特色法包就可以揀切或不切， 切就方便兩個人share。 法包外脆內軟， 有麥香味。而朋友揀左辣味，辣辣地， 幾惹味，入面好足料， 食落是很滿足。炸免治豬肉串第一次食， 脆脆地， 有肉味， 唔錯。店員都好有禮貌， 會主動加水慰問， 加分!