Video
Read full review
2019-10-09
690 views
不知不覺，中秋節已經過了一段日子，又係時候食大閘蟹。尖沙咀Holiday Inn 酒店龍苑中菜廳每年都會推出大閘蟹套餐，仲要非常抵食。但供應期由10月1日起至11月30日止，推出精選北海道大閘蟹，不過套餐要一天前預訂，若然想進一步享受，只要另加$100，便可任飲紅白餐酒及十年黃酒， 如想繼續添食大閘蟹，每隻只需另加$100。生拆蟹粉小籠包 Steamed Shanghainese Pork Dumplings stuffed with Hairy Crab Roe 基本上只要有大閘蟹套餐，就必定有蟹粉小籠包，小籠包面放上蟹粉，一咬落去，熱燙的肉汁跟蟹汁齊來，好易辣到嘴，要小心，蘸點些少陳醋，令味道更鮮。蟹粉蟹肉高湯燴燕窩 Braised Bird Nest's Soup with Crab Meat and Crab Roe 其實賣相可以好少少，不過就真材實料，絕不欺場，每口都有蟹粉蟹肉同埋燕窩，令人回味。紫蘇蒸大閘蟹(一隻) Steamed Whole Hairy Crab with Perilla Leaf (1 piece) 終於到
不知不覺，中秋節已經過了一段日子，又係時候食大閘蟹。
尖沙咀Holiday Inn 酒店龍苑中菜廳每年都會推出大閘蟹套餐，仲要非常抵食。
但供應期由10月1日起至11月30日止，推出精選北海道大閘蟹，不過套餐要一天前預訂，若然想進一步享受，只要另加$100，便可任飲紅白餐酒及十年黃酒， 如想繼續添食大閘蟹，每隻只需另加$100。
生拆蟹粉小籠包
Steamed Shanghainese Pork Dumplings stuffed with Hairy Crab Roe
基本上只要有大閘蟹套餐，就必定有蟹粉小籠包，小籠包面放上蟹粉，一咬落去，熱燙的肉汁跟蟹汁齊來，好易辣到嘴，要小心，蘸點些少陳醋，令味道更鮮。
蟹粉蟹肉高湯燴燕窩
Braised Bird Nest's Soup with Crab Meat
and Crab Roe
其實賣相可以好少少，不過就真材實料，絕不欺場，每口都有蟹粉蟹肉同埋燕窩，令人回味。
紫蘇蒸大閘蟹(一隻)
Steamed Whole Hairy Crab with Perilla Leaf (1 piece)
終於到了主角出場，所謂「九月圓臍十月尖」，今個月份都係食蟹乸，每隻足4.5 兩以上，雖然自己都鍾意食蟹公，但蟹乸的蟹膏都食得過，至少可以頂下癮。
吉列大蝦球配蟹皇醬伴蒸花卷
Deep-fried Prawn with Hairy Crab Roe served with Steamed Bun
上年是吉列班球，今次換上了大蝦，同樣有驚喜，脆漿好薄，炸得色澤金黃，火喉掌握得啱啱好，外脆內彈，超正，澆點蟹粉上面，更是人間美味，滿口都是蟹肉的香氣，另行配上的小花卷，鬆軟可口，想不到蘸上了蟹粉，有意想不到的效果。
鮮淮山胡椒高湯浸斑球
Poached Sliced Garoupa with Dioscorea Opposita Thunbs Root and Pepper
食過重口味菜色，係時候清清味蕾，芹末與胡椒，令啖啖肉的班球味道更鮮，好味。
蟹粉燴稻庭烏冬
Braised U-don with Hairy Crab Roe
烏冬質地滑溜，蟹粉味濃，但湯水太多蟹粉混和湯水後便變得稍淡，個人覺得減少湯的份量，令烏冬可以掛上蟹粉的話，效果會更好。
黑糖薑茶湯圓
Glutinous Dumplings in Sweetened Ginger Tea
黑糖薑茶湯底陣陣辛香又夠甜，湯丸質感QQ，非常討好，食完大閘蟹呷返啖，真是完美的壓軸。
P.S : 原價每位$828優惠價每位$498，最少預訂兩位或以上
Post
