Video
Read full review
2007-02-14
13 views
跟姊妹C說起, 不如搞個頌揚團年飯局, 結果有12+2人出席, 連弟兄J都首次出席, 真高興. 地點基本上由我去決定, 大家習慣了跟我走去食. 今年經濟好, 過年前的星期天係一圍難求, 最後揀了而度.吃完陳記就過來了, 差不多六點, 都要等店方去開燈執位先有得坐. 環境係麻麻, 但我們十四人坐在一角, 還不算太迫.飲過功夫茶同食過魚乾蝦乾, 就同弟兄M去點菜. 而度點菜係無餐牌, 就係睇牆上的菜牌紙同去打冷檔揀. 打冷檔果然幾有睇頭, 一隻隻凍花蟹吊在那裡.姊妹多加上有兩位小朋友, 最後只揀了十樣菜.凍花蟹: 8分, 並不便宜, 經表決後, 大家都係要了一隻六百蚊的. 都算幾大隻,分到十件. 跟文迪分了一件蟹腳, 肉質鮮甜, 但未算嫩滑.叫做試過.但一人加多五十蚊去試, 又唔多抵. 巴黎, 永利飲食蟹腳, 水準都唔差很多.大眼雞: 8分, 比凍花蟹更有驚喜, 魚肉幾嫩滑. 小弟兄應該吃得很高興.鹵水鵝肉片: 9分, 單叫鹵水鵝片太貴, 最後叫了鹵水鵝肉片, 即係唔夠十片鹵水鵝片係面, 再加鹵水鵝肉係底. 鹵水汁相當美味, 鹵水鵝片係瘦肉帶點肥, 幾嫩滑. 鹵水鵝肉就較多肥羔, 但肉質都
吃完陳記就過來了, 差不多六點, 都要等店方去開燈執位先有得坐. 環境係麻麻, 但我們十四人坐在一角, 還不算太迫.
飲過功夫茶同食過魚乾蝦乾, 就同弟兄M去點菜. 而度點菜係無餐牌, 就係睇牆上的菜牌紙同去打冷檔揀. 打冷檔果然幾有睇頭, 一隻隻凍花蟹吊在那裡.
姊妹多加上有兩位小朋友, 最後只揀了十樣菜.
凍花蟹: 8分, 並不便宜, 經表決後, 大家都係要了一隻六百蚊的. 都算幾大隻,分到十件. 跟文迪分了一件蟹腳, 肉質鮮甜, 但未算嫩滑.
叫做試過.
但一人加多五十蚊去試, 又唔多抵. 巴黎, 永利飲食蟹腳, 水準都唔差很多.
大眼雞: 8分, 比凍花蟹更有驚喜, 魚肉幾嫩滑. 小弟兄應該吃得很高興.
鹵水鵝肉片: 9分, 單叫鹵水鵝片太貴, 最後叫了鹵水鵝肉片, 即係唔夠十片鹵水鵝片係面, 再加鹵水鵝肉係底. 鹵水汁相當美味, 鹵水鵝片係瘦肉帶點肥, 幾嫩滑. 鹵水鵝肉就較多肥羔, 但肉質都不錯, 唔會太老. 文迪醒了件碟底的豆腐卜給我, 吸滿了鹵水汁, 正.
收$300, 都值回票價.
鹵水鵝腸拚墨魚: 8分, 姊妹P要求叫的一味. 鵝腸真係幾大條, 但墨魚唔多夠. 鹵水汁依然美味, 但我較喜歡鹵水鵝肉片, 總覺得鵝肉片比鵝腸更能吸收鹵水精華.
胡椒豬肚湯: 8分, 幾辣的一味, 下了甚多胡椒, 飲落口係胡椒味先行, 但都算鮮甜. 豬肚同鹹菜就無乜人食了.
普寧豆腐: 10分, 全晚最愛的一碟, 炸豆腐加上鹹香的豆醬, 外皮很脆, 入面的豆腐滑得出奇. 熱辣辣的, 口感一流, 又唔會有好大的油益味.
除了年前大局食過的禮雲子豆腐, 而個普寧豆腐都算係代表作.
水瓜烙: 9分, 用上鴨蛋去煎的水瓜烙, 新鮮熱辣上臺, 相當香口, 但又無一陣難聞的油益味. 水瓜充淡了那份煎炸味, 反而有清新的感覺.
石榴雞: 8分, 功夫菜一道. 蛋白外皮加上竹笙同雞肉, 味道不太濃烈.
豉椒炒蟶子: 8分, 用豉汁去炒的蟶子很鮮甜, 豉汁入味, 但更喜歡東寶的炒蟶子.
沙茶醬牛肉炒芥蘭: 9分, 另一味很出色的菜. 沙茶醬相當入味, 牛肉炒得唔老, 比兒時吃開的通菜牛肉好吃得多.
服務對我們這些唔係大客仔的係麻麻, 但食物整體很出色, 比年前吃過的樂口福為佳.
當然, 能夠一家人聚首一堂先係最高興的.
Post
