祥興記上海生煎包 (Closed)

身為荃灣友，之前成日幫襯，但自從佢攞完米芝蓮被加租迫遷後就無食過了，間中也會懷念一下。於是今日來到TKO就選擇了她。位於citysuper food count之中。十點剛剛開店，生煎包已煎定。蔥香比荃灣優勝，但比較油。包只有一半是薄皮，包底封口位好厚，似酒樓生煎包，而且煎得有點硬，同整個生煎包口感不太配合。之前荃灣是整個都是薄皮的，食完四隻六隻都唔夠喉，呢度就因為皮太厚，食完一隻兩隻已經好膩。