譚仔雲南米線

Open Now

Now Closed

以前想快食一個簡單嘅米線就即刻會去咗譚仔，想快食又熟晒menu坐低即叫食完半粒鐘攪掂真正快靚正。賣盤後自己都食過，都聽過好多人話差多，所以都少咗去食；今日食飯時間周圍都要等位，所以就去咗唔駛等位嘅譚仔。坐低咗前後左右都有人追單（聽到其中一位話已經半個鐘），平均一半人要追，望望周圍多數台面只得飲品及小食，食緊碗米線嘅<30%；而我就叫咗碗小鍋米線，記憶中係好大碗要大隻男先食得晒（或者兩個細食女都夠食），可能大耐無食了，估唔到細碗咗好多，都算…….. 但係食咗一大啖之後發現一粒丸都無，咁就問姐姐係咪而家小鍋米線無晒魚旦、墨魚九、牛丸…… ？ 佢話可能比漏咗😵‍💫，跟住就好快係廚房補返3粒丸比我。至於味道就都可以，但係個賣相、米線及餸嘅量都少咗、平均都要等20-30分鐘嚟講（我係25分鐘），就好似無咗以前快靚正嘅感覺了！