ラーメン松壱家 (Moved) New Location

和友人講開香港來說暫時最愛"魂"的拉麵，加埋有次去魂食唔到新果款拉麵"火龍"，上次去話賣晒，好趁星期六中午咁啱經過去碰碰運氣。點知唔係賣晒，係日本果邊無來貨整唔到"火龍"，其次最愛就係青龍，但日頭無青龍要晚上才供應，其他三款食過晒，加埋今次一心來吃火龍，最後調頭走  諗住去食VIA TOKYO食甜品，咁就沿路睇下有咩好食，最後路過一家紅卜卜的食店家ラーメン松壱家，個樣都幾好，所以入去試試。內裡環境，這家拉麵店座位相對無其他咁迫內在裝潢拉麵點餐紙亦是墊檯紙，紙的右邊畫好後，服務員會撕走那部份。本想試左邊那些，好豐富好吸引，但似乎太大碗，估計會吃不下，唯有放棄叫其他。終極雞湯拉麵賣相沒甚特別，雞湯沒想像中濃厚，亦沒有鮮雞香味，起初還擔心過咗冬天食雞湯會爆瘡，反而多年前在尖沙咀那家鳥華的雞湯更勝一籌。那半隻半熟蛋沒有驚喜⋯⋯国豬骨拉麵湯面有一層黑芝麻油和不少芽菜，芝麻油頗香，相比之下，這個比雞湯拉麵好一點點吧。