Video
3-min walk from Exit B, Causeway Bay MTR Station
continue reading
Telephone
24333537
Opening Hours
Today
12:00 - 22:00
Mon - Sun
12:00 - 22:00
Above information is for reference only. Please check details with the restaurant.
味道一般，態度……..見到呢間都有好評又唔使等位就入去一試入到去嗌咗個特松終極雞湯拉麵，濃雞湯只能夠講個湯好濃郁，物理上個湯量都顯得偏少，但係味覺上唔會令你覺得有咩味叉燒非常平庸，可能係現成叉燒唔係自家製，你可以當佢係最普通連鎖店嘅質素，但不要對它有期望服務就…..樓面得一位阿姐，都可以見到客叫佢就擰歪面，起身準備埋單，佢馬上轉身扮執枱但係佢後面本身冇其他客呢間拉麵店除咗唔使等位，暫時未諗到其他優點，好奇上面啲係試咩麵
continue reading
搵位度：🌟🌟🌟🌟🌟抵食度：🌟🌟🌟好食度：🌟🌟🌟講真係登龍街，競爭真係好大，拉麵都有幾間，如果講面舖我諗10幾間都有，如果唔係佢特價$68換，我真係未必會行入去。舖頭仔細細其實都冇乜人，定位又尷尬嘅，佢又唔係唔好食，又係有得揀吓面質啊，加配阿小食啊嗰啲，基本上你叫返啲雞湯味噌呀，應該有嘅味佢都俾到你，咁但係又真係唔係最突出嗰間囉。始終講到性價比寧願行多兩步去下面譚仔都未必會食佢。
continue reading
去銅鑼灣辦完事，好肚餓就求其入左登龍街呢間拉麵店，見佢門口貼住十周年優惠，平日12:00-17:50全麵類$68好抵食咁。點餐紙都有得揀麵既粗幼，硬度同湯底口味。筆者叫左醬油豬骨拉麵🍜係最basic果款，menu話係創業初期以來永恆不變最有人氣一款，就試下係咪好食可以做到十年咁耐。湯底好濃厚，上左菜之後我要攪一攪個麵同d湯先食得，我選幼麵，普通硬度，麵底ok!唔會好淋好硬，不過d湯真係有啲鹹，件豚肉有燒邊，食到有炙燒味道👍🏼不過就多左d肥肉佔左塊豚肉1/3。唔知係咪因為特價時段，本身既溏心蛋變做鵪鶉蛋，筆者係有失望🙍♀️明明食拉麵好期待溏心蛋，今次竟然冇左。就好似人地食豬腳薑，但係冇咗蛋一樣。店鋪細細，傳統日式拉麵裝修，$68食碗拉麵都ok既。
continue reading
有次喺銅鑼灣行開街，突然間想食拉麵，咁又見到呢間做緊優惠，幾款拉麵一樣價錢，咁就入去試吓啦🤩🤩🤩哈哈，因為係均一價，我叫咗款本來原價最貴嘅終極雞湯豬骨拉麵試吓，好似抵d😛😛😛個湯係好厚實，夠味，流心蛋都真係好流心好好食，豚肉就正常發揮，都好食😋可惜得兩三片唔係好夠食😂😂😂😂食完覺得未夠飽😂😂😂雖然係均一價，不過就唔包飲品，而且份量較少，所以性價比唔算特別高🙃🙂🙃🙂
continue reading
我最近去咗松壱家食嘢，試咗佢哋嘅終極雞湯拉麵同醬油味噌拉麵，真係好好食呀！終極雞湯拉麵嘅湯底真係好香濃，雞味濃郁，湯底亦都唔會太濃稠，有啲微微嘅甜味，同埋有啲芝士味道，食落去有啲似食雞湯咁，好暖心暖胃。麵條嘅口感夠彈牙，同湯底好夠融合，啖啖都係享受！而醬油味噌拉麵就係日式味道濃郁啦，麵條好有嚼勁，湯底夠濃郁，又有啲甜味，醬油同味噌嘅味道都好平衡，唔會有啲味道突出咁，啖落去好開胃。總括嚟講，松壱家嘅拉麵真係好正，如果你鍾意日式風味嘅話，呢度一定係你嘅首選！
continue reading