牛蓋

Open Now

Now Closed

話說晏就時間去左屯門比野朋友，比完野之後一個人就睇下有咩小店可以食，行去巴士站途中就見到呢一間牛蓋，佢鋪仔細細大約有20個座位，佢菜式係好多日式既飯揀，仲有啲泰國野，相信老闆係泰國人因為係收銀嗰度有唔少既泰國元素。我就叫左個牛肩胛蓋飯（$76），店家係menu上寫係慢煮既牛扒黎，但其實我係完全食唔出有d肉有慢煮出黎既感覺，但塊牛扒肉既質素係有既，只係烹調上既問題。係飯上面有少許既飯素都增添左一d日式元素同層次，係拎餐埋黎既時候店員極力推薦左一款醬料係佢哋自家製既蝦米辣椒醬，呢個醬真係極大程度比呢個飯拉回分數，呢個醬係好似飯素同醬之間既感覺，脆口得黎有小小油，我自己就唔食得辣既，但佢好香口撈飯好好食，我加左小小食完好過癮咁，食完又加，成餐飯就辣到一路R住頭一路食。整體我覺得食得辣既人真係要試下呢個醬，因為真係做得好出式，至於野食就一般水準冇乜出色位。