稻成 (新城市廣場一期)

Open Now

Now Closed

喺沙田唔知食咩好，又好耐無食酸菜魚同小籠包，忽然見到呢間有齊晒，咁就入去試下。酸菜同魚肉嘅份量算幾多，尤其對我嚟講酸菜先係主角，但略嫌唔夠辣，寬粉再多啲就更好，所以叫多個油炸鬼索汁。小籠包幾好，熱辣辣，皮薄多汁。黑松露炒飯炒得好香夠鑊氣，而且炒得乾身同夠熱，呢個估唔到幾好食，唔太鍾意食炒飯嘅我都忍唔住食多幾啖。醉雞不過不失，無咩驚喜。點菜時侍應都有介紹話叫套餐會抵食啲，但我哋唔係好餓，所以都係叫散餐，的確係套餐抵食啲嘅！