金牌牛什

Open Now

Now Closed

返工放工必定經過，見到幾吸引咁喎，想試好耐架喇 ﹗今日 lunch 專登行勁遠過黎試一試，lunch 時間一個食客都無既？一個人包場慢慢試 ﹗內籠簡簡陋陋咁啦，衛生只可免強接受。望望牆上面既 menu，當然先試金牌牛什啦，但係阿姐話串燒只在晚上供應，失望呢，無得試添 ﹗原來仲有粉、麵、米粉喎，下次有機會先試喇。金牌牛什，應該屬於清湯牛什系。香就夠香喇，湯底清清淡淡，帶少許甜味，但係油得利害，味道還可以既。毛肚好硬、牛腸嚥靭，比左好多牛肺呢，我對牛肺麻麻地。總括而言，味道好一般乍，試下無妨。碗仔翅，阿姐一早落晒調味先送過黎。都幾水吓呢，味道偏淡，都係麻麻地。豉油雞髀，質數平平，又唔夠熱，浸到雞肉有點乾鞋喇。味道都可以既，但香味欠奉、肉汁欠奉囉。