Video
Read full review
2017-07-10
684 views
話說為食朋友近期工作非常辛苦, 要食餐好咁話, 陪食係我既強項, 零難度, 今晚一於搵間正嘢開餐, 找來位於銅鑼灣方便就腳的鉄人旨花。出電梯門前是驚豔的花花裝飾, 有美感, 賞心悅目, 讓我們懷著輕鬆的心情進入餐廳準備享用晚膳。餐廳座位闊落, 空間感充足, 有一張長長的壽司吧檯及兩張鐵板燒半圓形檯。全餐廳均以粉系花花做主題, 充滿大自然氣息, 感覺很舒服。連牙籤都切合花花主題, 難怪餐廳名叫鉄人旨花。開餐前先介紹我跟為食友今晚選的餐單, 廚師發板與伊勢海老之爭, 結果今晚又係豁出去之選......伊勢海老鐵板燒, 睇完個餐單已經在吞口水了, 有新鮮日本龍蝦及宮崎A5和牛, 萬分誘人。伊勢海老鐵板燒 $1988/2人前手作前菜（每人二款）西京味噌銀鱈魚伊勢海老配海膽汁宮崎A5和牛白魚湯炒飯甜品手作前菜 ~ 沙律配醋汁爽脆沙律菜配醒神醋汁, 酸酸甜甜極度清新開胃。手作前菜 ~ 紫菜蛋捲感覺很花之卷呢西京味噌煎銀鱈魚銀雪魚掃上西京味噌煎得皮脆肉嫩, 銀鱈魚高油份, 入口嫩滑, 配埋清香的日本玫瑰花瓣, 花香跟魚油香非常融合, 京西味噌豆味清香, 輕鹹, 喜歡。伊勢海老新鮮生猛的伊勢海老, 蝦
出電梯門前是驚豔的花花裝飾, 有美感, 賞心悅目, 讓我們懷著輕鬆的心情進入餐廳準備享用晚膳。
餐廳座位闊落, 空間感充足, 有一張長長的壽司吧檯及兩張鐵板燒半圓形檯。
全餐廳均以粉系花花做主題, 充滿大自然氣息, 感覺很舒服。
連牙籤都切合花花主題, 難怪餐廳名叫鉄人旨花。
開餐前先介紹我跟為食友今晚選的餐單, 廚師發板與伊勢海老之爭, 結果今晚又係豁出去之選......伊勢海老鐵板燒, 睇完個餐單已經在吞口水了, 有新鮮日本龍蝦及宮崎A5和牛, 萬分誘人。
伊勢海老鐵板燒 $1988/2人前
手作前菜（每人二款）
西京味噌銀鱈魚
伊勢海老配海膽汁
宮崎A5和牛
白魚湯
炒飯
甜品
手作前菜 ~ 沙律配醋汁
爽脆沙律菜配醒神醋汁, 酸酸甜甜極度清新開胃。
手作前菜 ~ 紫菜蛋捲
感覺很花之卷呢
西京味噌煎銀鱈魚
銀雪魚掃上西京味噌煎得皮脆肉嫩, 銀鱈魚高油份, 入口嫩滑, 配埋清香的日本玫瑰花瓣, 花香跟魚油香非常融合, 京西味噌豆味清香, 輕鹹, 喜歡。
伊勢海老
新鮮生猛的伊勢海老, 蝦殼非常醒目鮮豔, 外形又靚仔, 一直以為伊勢海老是日本伊勢這地方沿海出產的龍蝦便叫”伊勢海老龍蝦”, 哈哈.....我的理解完全錯誤了, 師傅話伊勢海老即日本漢字的龍蝦咁解, 伊勢海老同澳洲龍蝦、加拿大龍蝦、中國龍蝦....最大分別是什麼？伊勢海老是沒有龍蝦鉗的, 兼殼薄肉多。
開邊後的伊勢海老放在鐵板上, 還跳跳扎, 掙扎求存。
龍蝦頭內的蝦膏加上海膽調配而成的金黃海膽汁
伊勢海老配黃海膽汁
呢隻海老賣相誘人, 係咪睇見都想食呢?
龍蝦肉只用白葡萄酒提香去腥, 啖啖鮮甜爽口, 加埋龍蝦膏的濃香及海膽的鮮甜, 極之鮮香甜美, 美味爆燈。
伊勢海老由日本新鮮活蝦運港, 師傅話鐵板最好食狀態系肉心半生熟, 較滑口, 果然無錯, 海老肉鮮嫩滑溜。
蕃茄凍湯
清喉嚨之過塲恩物, 粒粒脆口青瓜粒, 蕃茄味清淡, 微酸, 喝後清心涼快。
呵呵....師傅正在為我哋準備和牛, 呢位師傅煮嘢好有耐性, 手勢純熟, 出品控制得好好, 讚！且十分健談, 佢成日去日本, 所以對日本食嘅行情十分熟悉, 今晚跟佢套咗好多料, 謝謝指教。
宮崎A5 和牛
師傅問我哋要幾成熟？我答 : [要最好食嘅成熟度, 唯一要求係冇血水。] 師傅真系好勁, 將和牛表面煎得金黃焦香, 內裡卻嫩紅嬌豔又能保存豐富肉汁。
見師傅煎和牛只簡單磨了少許黑楜椒碎及岩鹽調味, 宮崎和牛確係唔同, 牛油之香氣...香飄飄的飄入鼻子, 入口爆汁, 肉味濃郁, 肉質嫩滑無比, 卻不會食到滿口油, 完全沒有油膩感覺, 也沒有渣或根之類, 好正
配菜有澳洲大菇、澳洲蕃茄及日本青椒, 配菜都好食, 菇肉爽口, 菇汁清香。
呢碟真係人間極品, 世間上最邪惡之物, 和牛扒邊的肥糕和帶少許根部份, 用清酒煎至表面焦脆, 嗰陣牛油香十里之外都聞到, 配埋炸蒜片食, 極級香口, 好美味, 佐酒一流。
白魚湯
用魚骨及魚頭烠成奶白色的湯底, 加埋昆布、菇片及蟹腳等材料番滾, 湯頭非常清鮮甜美。
師傅對烹調真系好認真，見佢炒飯也功架十足， 時慢時快地炒, 時厚時薄地炒, 總之就好有心機咁炒
炒飯
雞蛋、煙肉粒、甘荀粒再加大量蔥花, 唔香有鬼。
炒飯粒粒炒到圓潤乾身， 又香又有咬口， 最緊要系唔鹹， 只帶淡淡的醬油香
櫻花啫哩生果
食埋清香的糖漬櫻花及解膩順喉生果， 我跟為食友今晚都好滿足地走人， 明天又充滿力量地努力工作賺錢, 有錢才能再食好的。
Post
