通達食店

Open Now

Now Closed

之前要去油麻地參加交流會，上去之前要醫醫肚，之前一直都想試下呢間通達食店，聽講野食都唔錯，見行過有位，入去食咗碗車仔麵~估唔到我坐個面壁位又幾好坐，下面會有一層架可以放袋。不過車仔麵款式比較少，但食物都幾特別，叫咗蠔油魚蛋、雞翼尖同木耳絲加米粉。蠔油魚蛋就無咩蠔油味，而且魚蛋都幾重魚腥味，我自己唔係太接受到，但都好過出面D 魚蛋連腥味都無。雞翼尖都入味，唔錯。木耳絲好重麻油香，令成碗麵都生色不少，木耳夠爽口，份量都好多，可以再叫返呢個。另外呢到D服務都唔錯幾有禮貌，真係估唔到小食店都可以做得咁好~其實有好多野都想食，少見嘅碗仔翅同粢飯，仲有腸粉燒賣，希望下次有機會再試下。