新記特式車仔麵

Open Now

Now Closed

📍香港堅尼地城地鐵A出口直行到電車路📍新記特式車仔麵📍西環堅尼地城士美非路2-6A號順興大廈地舖📍星期一至日公眾假期 10:30AM~10:30PM 放假到堅尼地城行吓打卡， 一出堅尼地城地鐵A出口直行到電車路打卡影靚相後見到有一間車仔麵店好多明星幫襯，就是新記特式車仔麵，平時見到坐到爆哂勁多人， 今次剛好有人食完有位，一行四人當然要立即入去食食食。車仔麵最重要就係個湯底，最建議佢個牛腩汁，好香好濃郁，如果能吃辣汁的必定要加辣汁，可選大中小辣。餸有60幾款餸揀，我見個個都揀六餸麵，大大碗打卡勁正，又勁靚，見到都流哂口水🤤🤤。老闆娘超級好人，介紹我們超人氣車仔餸，又幫我們影相，很有人情味又有愛，看得出是用心經營食店，一定會返嚟再幫襯。我們每個人都叫六餸麵，再加汽水，餸我們有咖哩魚蛋，辣豬紅，辣豬皮，滷水雞翼尖，蘿蔔，滷水蛋，牛栢葉，蠔油冬菇，菜肉雲吞，豬大腸，雞中翼，蟹子丸，龍蝦丸，菜，公仔麵等。咖喱魚蛋粒粒彈牙，豬皮辣豬紅非常入味，只有這間做到這味道，人生一定點都要試吓，很好食，蘿蔔清甜，滷水雞翼尖都非常入味，一食難忘。