波仔記車仔麵 (Closed)

本人真係好鐘意食車仔麵, 聽同事講附近開左間車仔麵，今次終於搵到機會黎試下。雖然佢個推介係車仔撈，不過我果日就想食返D有湯嘅麵,就叫魚蛋、蘿蔔、豬皮、雞翼。先要讚下d蘿蔔夠哂入味，又唔會太冧，爽口，拿捏得幾好。豬皮爽脆亦都好入味。不過雞翼就淡少少，食得出係瑞士汁煮，可以再老得入味啲。有個可惜嘅位置係魚蛋竟然唔係咖喱魚蛋，可能因為要迎合唔食辣嘅人，總覺得有啲可惜。另外要讚嘅係個湯同個秘製辣汁！辣得黎感覺無咩味精feel,食完唔會渴！我成碗當湯飲哂。