一君士多 (Closed)

朋友介紹左一間港式車仔麵店，由前藝人開既車仔麵鋪頭。原來車仔麵都可以豪食架！朋友叫左鮑魚車仔麵，真係有原隻鮑魚，雖然細細隻，但係溏心又爽口，好入味。我叫左豬排酸辣米線，豬排好鬆化夠哂軟腍，唔會乾淨淨，而且豬排入口仲肉嫩好多汁架！米線吸哂湯底精華，味道好惹味。酸辣湯底好開胃，酸酸甜甜，辣度輕輕。我叫左瑞士雞翼。雞翼好入味，而且滷得好濃郁，雞肉完全吸哂醬汁精華。我地一致覺得好味道。下次決定再黎食飯啦！