古味坊 (Closed)

最近周圍都越開越多古早味蛋糕鋪，今次呢間喺西菁街，大大個黃色招牌吸引到我上前望望。店鋪幾乾淨同整齊，蛋糕種類有十款左右，揀左海苔肉鬆同埋伯爵茶，由於食完飯唔算太餓，都各揀左半份。店主都熱心介紹，同埋買果陣都好好咁幫我切埋分開幾件。拎到返屋企打開試下，蛋糕嘅賣相唔錯，望落仲幾新鮮，海苔肉鬆有夾心芝士，令味道加點層次由唔會太搶，而伯爵茶就無夾心醬，但入口都非常軟熟。另外值得一提嘅係今次間鋪除左古早味蛋糕外，仲有各式甜品都飲品賣，令店鋪更多選擇。