泗益

Open Now

Now Closed

閒日中午12點到，見西多點到7至8份排緊，到1點就售罄，真係要早少少黎。西多真係食過反尋味，100%回頭客。奶茶必飲，凍奶茶好香滑，奶味濃茶味重，令人回味。熱奶茶（茶走）除左更滑，茶同奶味都更重更明顯，口感好滑。沙嗲牛蛋麵 $26用出前一丁麵，實好味啦，沙嗲味唔算好重，亦唔辣，有微微沙嗲香，反而牛肉好正，牛味重質感又好，夠滑腍。煎蛋半熟，流出蛋黃汁，拌麵同牛肉，又香又滑。加少少辣油更香更惹味。咖央西多士 $30入口好驚豔，係超級軟綿綿，柔軟到好似綿花嘅口感，我食緊雲朵、空氣……而且係厚身西多，有香濃蛋味，中間餡係甜度剛好的咖央醬，加上咸味的牛油，令人回味。